Now Reading
مرا كيفكم عندي 3صغار

مرا كيفكم عندي 3صغار

.

حطيتلكم التصويرة هذه عندي غاية وحدة و الي نحارب فيها عندي مدة

عقلية عرست و جبت صغار بدني مشا و نسيت روحي و تحليت و تفرتت

يزينا منها راهي تمرّض و تدفن المرا بالحياة
عرست موش باش تنسا روحك و تنسا حياتك

نعرف الي راك مرا و مهما يكون راك محلاك، بينك و بين روحك متقلّقة

فما برشا حاجات تنجم تعملهم لروحك منهم الرياضة (للسبور) و هذا اكثر جانب نحب نحكي عليه و يهمني

انا مرا كيفي كيفكم عندي تلاثة صغار

3 césariennes!!!

.نخدم و نطيب و….. قائمة بواجبي على ما نقدر (موش باش نقتل روحي) اما وقتي لروحي نفكو فكان

تعدّيت بفترة خايبة و خايبة برشا في حياتي و خرجت منها كيف الناس الكل ….

كيف تحب راك تنجم

ما تعملش سبور كان باش تضعاف اعملو باش تتفرهد باش تخرج ستراس نهار كامل

See Also

باش كيف ترقد تتبنن النومة ….

. نحب تقلكم الي كلو في المخ …انت و مخك على شنوة تعدلو ..

حاجة اخرة برشا يسألو فيا شنوة ناكل شنوة لا …
راني ماني حارمة روحي من حتى شيء …ما نحبش لغة الحرمان و الناس الي تعرفني ينجمو ياكدولكم هذا

حتى حد ما يعرف بدنك.خير منك …عينك ميزانك و راسك بسكولة و ما فماش نظام غذائي يمشي مع الناس الكل و حتى كان مشا راو موش باش يدوم …
كول بطريقة منضمة الي كيف تخمم انك باش تعيش بيها عمرك الكل ما تلعبش عليك الدوخة …

اهم النصائح الي تنجمو تاخذوهم :

تجنبو على قد ما تنجمو الخبر و كان تنجمو تقطعوه احسن ما تعملو في حياتكم
-نقصو مالحلو بالشوية بالشوية للناس المفرومة بيه
-كيف تشرب قهوة معاها حاجة حلوة ما تحطش فيها سكر
-اشربو على قد ما تقدر ماء ما تفوتوش 3 ل ماء في النهار
-شوفو كل ڨازوزة قداش فيها سكر اتو تكرهوه وحدكم
-ما تاكلوش بين الاوقات و كيف تجوع كول خضرة و الا غلة و عبي كرشك بالماء
-في القايلة كولو العجين فيه ما يخليوكش تجوع فيسع
-في الليل كول خفيف
-كثرو مالخضرة على عملية الهضم
و نهارت و الا ايامات تجي فرصة باش تبلبزو و تاكلو بوه على خوه بلبز و فتق مواهبك اما في أول فرصة امشي احرق منهم قد ما تنجم بجرية و الا مشية مزروبة …المهم تحرك باش ما يركدوش
إنشاءالله نكون نجمت نعاونكم بحاجة و لول صغيرة
تنجمو تبعوني في الڨروب هذا الي حطيتلكم الرابط متاعو نهبط فيه كل ما نترانا ومشجع النسا باش يتحركو …و برشا رجعو للسبور بعد سنين و سنين و فما الي اول مرة في حياتها تقوم و تمشي لصالة رياضة


Ladie’s Health&Fitness By Mirou

What's Your Reaction?
Excited
3
Happy
1
In Love
2
Not Sure
1
Silly
1
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top