يا حسرة على الصغر و على ايامات رمضان البسيطة
نستناو النصف الثاني باس الحوانت يحلو و نشريو حوايج العيد..
بطبيعة انا الي نهبط مع ماما با ش تشريلي على كيفها هههه للا سندس تاخو اللي تحب هيا ههههه
درة الطرابلسي دبارتي متاع الليلة فرحانة بيها عللخر خاطر الطبق الرئيسي عملتو وحدي من الللول للخر و أول مرة نطيبو و رغم ذلك جا بنيييين عللخر نهارة الي نطيب في الطبق الرئيسي ماكلة بالمغرفة و ما نعملش بيك و الا حاجة تعوضو خاطر باش ما تفضلش الماكلة و ما يبداش العشاء رزين و نلقاو بلاصة للماء خاصة هههه : عشايا اليوم متكون من شربة صفاقسية بالحوت* سلاطة مشكلة* لحلحو بيا باش نعطيكم الروسات ههه (Tortellini) تورتليني بالحبق و السبناخ مع الصوص* بسبوسة*
إيناس الجنفاوي مماتي الله يرحمها كانت تعيط لل قرلو « كافر » نسبة ل « كافار » بالفغونسي تقلي « يااا بنيتي رد بالك منو هاك كافر » هههه هو و الله يا ممتي قلت الحق كافر و جاحد و نذل و حقير و وغد و الي تحب انت الكل هههه أنا و الكافار قصة طويلة من المعاناة و العذاب النفسي.. أنا و الكافار ما نتفاهموش جملة جملة على الأقل من شيرتي أنا متأكدة من مشاعر الكره و الاشمئزاز الي نشعر بيهم تجاهو اخخخخ مرة نتفكر و أنا حبلة قمت في عقاب الليل باش نمشي للتوالات (من بين الحاجات « الحلوة » متاع جو الحبالة ليلة كاملة تعديها داخلة خارجة على التوالات) أنا كملت من هنا و هو جاني يجري من هنا تقول يستنى فيا.. هو بيناتنا سترني ربي خاطر الحق ما نعرفش كيفاش كنت نجم نشد روحي كان جاني قبل ما نفر بروحي كان في وسط البانو لتو نعصر في مخي باش نتفكر كيفاش نجمت نفحج مسافة…
كانك ترضع و إلا حامل و تنجم تصيم النشرية هاذي ليك و مهمة برشا. قبل كل شي يلزم الحبلة و المرضعة يعرفو إلي ربي حللهم في رخصة عدم الصيام كان الصيام فيه خطر على حياتها و إلا حياة صغيرها و بالطبع يلزم الرجوع للطبيب المباشر ليها باس تاخو رايه قبل ما تقرر إنها تصيم. في حالة إنو كل شي لاباس و إن شاء الله ديما لاباس هاذم نصائح هامة باش الصيام يتعدا في أحسن الأحوال : شرب برشا سوائل : ماء خاصة، منقوعات (تيزانا)، حليب، عصائر فرشكة و من المستحسن إنها تبعد على العصائر المعلبة و المشروبات الغازية و القهوة و التاي و هذا حتى موش في رمضان راهو تقسم شقان الفطر على مرتين : -الوجبة اللولة خفيفة : كعيبات التمر مهمين خاطر التمرة تطلع فيسع مقدار السكر في البدن و غنية بالألياف و تعطي برشا طاقة، سوائل، شربة، شوية سلاطة و شوية خبز و من المستحسن يكون خبز كامل…
درة الطرابلسي عندي خالي ديما يقول البريكة غلة عامها, ما يصيرش رمضان ما غير بريك!! هاذم بعض النصائح باش تتحصلو على بريكة بنييينة و على كيف كيفكم : كان تحب بريكة عظمتها رايبة اهو شنوة يلزمكم تعملوا (الزيت يلزمو يسخن بالباهي أما زادة موش فوق اللازم (يلزمكم تعرفو الي كي يسخن الزيت برشا و يبدا يعمل في البخار يولي مضر برشا بيد الشر ما يلزمش تحطو بااارشا زيت باش تنجمو تتحكموا في القليان و باش البريكة ما تبداش منفخة بالزيت اوك فرد المرة الضمير يبدا مرتاح من ناحية المواد الدسمة (…حضروا بريكتكم البر من الزيت و حطوها مبعد مسكرة و بحشوها (العظمة, التن , الكبار, بطاطا مسموطة مغفصة, معدنوس (كي تحطوها في الزيت خليوها تتقلى على راحتخا من كل شيرة ما غير ما تصبو عليها الزيت السخون (تقولش عليكم تسقيو فيها استقطروها بالباهي من الزيت و زيدو حطوها فوق ورق لامتصاص المواد الدهنية اي نعم باش هكة تا كلو…
