يا سادة و يا مادة يحكيو على دار كبيرة كرمها شيمة زاهية ديمة ناسها أحسن ناس ناس صافين كلهم محبة بصغيراتهم شايخين ناس غالين انسيوك في الي نساك و أحنا البمبينوات الصغيرونات شايخين هوني حبينا نحكيو علي في قلوبنا و أحنا ما زلنا ما نتكلموش نستناو في عيدنا الأول و نحبو على أحلى لباس لبسة تختارها الميمة و تقعد تلوج على الرياقة الي تمشي معاها أما أحنا في دار السبيل دار المحبة و المودة و لبساتنا يختاروها مامونات تونس الكل في عوض اللبسة عندنا زوز و ثلاثة من لبستنا الدخلانية لشكاكل البنوتات منا و صبابط الأولاد بش يتعلمو يكورو به… أب أب اب ما يفلتو شي ما يعرفو كان اخرجونا أمراء و أميرات على حالنا فرحانين نحلمو و نحلمو و نزيد نحلمو نحلمو بالي دارنا تولي امتاعنا احنا صغرونات السبيل نحبو نقولو أحلى عيد لمامونات تونس الكل انتوما صحيح مش أمات الدم أما راكم أمات القلب قلوبنا الصغيرونات احبوكم برشة

كوثر الحكيري نصائح بش تحببو ولادكم في الكتب  أنا هزيت جاد لمعرض الكتاب بعد ما قريت مقال في بيناتنا عامناول المرة هذي هزيتو 3 مرات , دوب ما يدخل يطلق ساقيه للريح يجري حتى يتعب ومن باعد ندخلو للاجنحة يتصفح الكتب ونشريلو اللي نقدر ونروحو بوه سرح وحدو وأنا وجاد وحدنا وتبعتو وين يحب يمشي ناثق برشة في دار سيراس,  هذا في القصص الكتب التعليمية نختار اللي يلفتلو انتباهو, حروف والوان والكتيبة بالكبير …. وكتب يلون فيها الأشكال أو الحيوانات وهكذا Articles liés Conseils et bons plans pour les parents les bons plans à la foire du livre, Jeux en bois pas chers à la foire du livre Mes achats à la foire du livre Livres recommandés pour les enfants Foire du livre 2016, mes bons plans Foire du livre 2015, mes achats de maman

إكتشاف اليوم، سوق متع ديوان الأراضي الدولية، الغلة ، الخضرة واللحم أرخص وباهين. في ألان سفاري، يحل من الاثنين للسبت؛ من 9:30 الى 13. هاومثلا أسوام اليوم: بطاطا 980 م كرمب 800 م سفنارية 2,200 برتقال عصير 400 م مالطي550 م طمسون 770 م يبيعوا زادة زيت زيتونة، عسل، لوز و فستق. العنوان: 60 شارع ألان سفاري ، بحذ وزارة الفلاحة، على اليمين كي تبدا جاي من حي الخضراء

دلندة اللوز تسنيم (4سنين): ماما نحب شوينقوم احمر انا: باهي تو نشريلك كان الحانوت محلول تسنيم: معناها اوعدتني؟ انا: ايه وعدتك الحانوت مش محلول وهي تنرفزت خاطر معندهاش زهر تسنيم: غدوة تشريلي انا : باهي وعد جاء غدوة ومتفكرت كان في الليل وقت الحانوت مسكر تسنيم: ماما خسارة ازح انحب شوينقوم وانتي محرصتش عليه انا: سامحني عزيزتي تو نعطيك حقّو وخبيه عندك وكيف….(مخلاتنيش نكمل) تسنيم وهي تعيط بلفرحة: باش تعطيني حلقوم؟ وااااااي عيشك عيشك ماما انا: لا لا باش نعطيك حقّو معناها حق الشوينقوم وباش…(مخلاتنيش نكمل تسنيم: لا منفهم شي باش تعطيني تو حلقوم وباش تشريلي شوينقوم احمر وباش تعطيني حقّو زادة اعطيتها ثلاث مئة وحدة فيهم مسخة قامت قاتلي : تو هكة باش نعطيها للراجل اصير منو؟ هات كعبة اخرى ونخبي لمسخة عندي أنا : مشروع سياسية ناجح