Now Reading
(شنوة يلزمكم تعملو كي تضربكم حريقة (قنديل بحر

(شنوة يلزمكم تعملو كي تضربكم حريقة (قنديل بحر

الصيف جاء و جاب معاه الجو و الشمس و البحر.. و ساعات نطيحو على حاجات في البحر موش باهية برشا كيما الحريقة (قنديل البحر) إلي تشوات بحريقة قبل تقلك راهي إحساس غريب: توجع و تحرق و تحك و الكل فرد وقت. وقتلي تجي في صغير تكون مشكلة أكبر و باش الواحد يبدا على بينة
هات نبداو بشنوة يلزم تتجنبو تعملوه :
كي تضربكم الحريقة ما تحركوش البلاصة إلي ضربتها الحريقة خاطر السائل السام ينجم يتنقل لبلاصة أخرى
ما تحكوش.. اي نعرف إلي هي تحك أما ما يلزمكش تحكو خاطر العيون السامة إلي خلاتهم الحريقة تنجم تتفلق الأحسن إنكم تنحيوهم بالملقاط
على العكس الفكرة السائدة التبول فوق البلاصة إلي ضربتها الحريقة يزيد على ما بيها و السبب الحموضة و لنفس السبب ما يلزمكش تحطو الكحول و إلا الخل
ردو بالكم تشللو البلاصة بالماء الحلو خاطر الماء الحلو يفلق العيون إلي فيهم السم
أهو شنوة يلزمكم تعملو :
حطو الرمل فوق البلاصة إلي ضربتها الحريقة و كان عندكم تحت يديكم فرينة و الا كريمة حلاقة يكون خير
شللو البلاصة بماء البحر أما موش وين كانت الحريقة
تنجمو تاخذو دواء متاع وجيعة كيما الدوليبران
بعد ما تنحيو الصوابع و العبون متاع الحريقة حطو البلاصة المضروبة تحت الماء السخون لمدة نص ساعة
كان الحريقة ضربت الوجه أغسلوه فيسع بماء البحر و امشيو لأقرب إستعجالي خاصة كان الضربة جات في العين
ما تتفجعوش ضربة الحريقة تتداوى أما المشكلة الوحيدة إنها توجع برشا اللطف علبكم
What's Your Reaction?
Excited
0
Happy
0
In Love
0
Not Sure
0
Silly
0
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top