إلي يحب ياكل ماكلة بنينة في سوسة في مطعم باهي يتبعني

حياة العابد 

 عندنا قولة يقولوها السواسة من قديم الزمان :الّي يحب يعيش يسكن في الكرنيش .

.موجود في الكرنيش في قلب سوسة للي يحب و يعشق سوسة  ‘L’escargot‘ مطعم

البلاصة حلوة و عادية و الضو و الديكور يخليك تحس بخصوصية مريحة في المطعم هزيت صاحبتي معايا إلي مغرومة بالماكلة في المطاعم الراقية عكسي أنا إلي ماكلة الدار عندي خير ببرشا أولا خاطر ماكلتي بنينة برشا و ثانيا خاطر في تونس كي تجي تجمع بين السعر و الكمية و البنة تلقى .روحك خاسر في معظم الحالات مثلا كي البيتزا بغلال البحر كل شي فيها كان غلال البحر تقول تونس محاطة بالصحراء من الأربعة شيرات

.Big deal  بيغ ديل عامل أوفر حلوة فطور وإلا عشاء لزوز عباد ب46د في عوض 109 د الحق فرصة هايلة ما تتراتاش قلت خلي نجرب

.اول ملاحظة سارة إنو النادل عطانا نختار و ما قيدناش بالأوفر في بيغ ديل 

Le cocktail de crevettes avec bouquet de salade et Bisque de crevette   :اخترنا اولا-

الحق كانو بكمية محترمة و بنينة

Le Filet de poisson (merou) et coeur de filet avec sauce champignon    :و مبعد اخترنا –

زادة شخنا و شبعنا و استنجدنا بالكوكا باش انهضمو

Tiramisu et Glace: واخيرا للتحلية اخترنا –

الديسار الحق ماكنش مقنع كيما الأطباق الأخرى مثلا التيراميسو ما عنده من التيراميسو كان الإسم.

رغم نقطة الضعف متاع الديسار الحق كل شي كان خارق للعادة: الإستقبال, الماكلة, البلاصة الحلوة, سرعة الخدمات و أهم حاجة في التجربة هاذي إنو حسينا ءلي فلوسنا مشات في ماكلة بنينة عملنا عليه ستة و ستين كيف.

( سامحوني على التصاور، هذاك حد الجهيد )