Now Reading
ترهدين المرا التونسية

ترهدين المرا التونسية

هناني
شبيك يا مرا،  انت في بلاد ورجالك في بلاد
كيفاش اتخلّي راجلك وحدو؟ شكون يطيّبلو ، وشكون باش يتلهى بيه
ماتخافش يعمل صاحبة وتأخذو منك مرا اخرى يجدد معاها حياتو؟
لا عاد، المرا لازم اتبّع راجلها، تهو، حتا القانون يساعد باش المرا  تطلب نقلتها من الخدمة باش اتبّع راجلها موش العكس
وانت ماتخافش تقعد وحدك
شنوا باش يقولوا الناس؟
كان يطلقك ؟ توة انت كبرت وحتا كان تحب تجدد حياتك ماتنجّمش، آش مازال في عمرك ، العمر الباهي تعدّى، عاد، موش احسنلك تكمّل  الباقي  من عمرك مع راجلك بشومو ، بلومو ، ماهو الا راجل على عينين الناس
هاك مازلت اتصنّف؟ اتدلّل في روحك؟ موش خير كان جاء التصنيف هذا مع راجلك، على الاقل ياكل حويجة بنينة؟
تعمل في الرياضة؟ لاهية برويحتك ، يا للّا يا للّا، وراجلك بعيد عليك؟
بكل فخر,  انا راجلي لا يحب يمشي لحتا بقعة ، كل الوقت  بحذايا في الدار .. ما يحب كان ماكلتي، وما يأكلش البايت، ديما يقول ماكلتي ابن ماكلة، حتى القضية من السوق ما يحب كان قضيتي، ديما يقلّي اللحم والحوت الّي نشريهم انا بنان،  ما ينجّمش يعيش بلاش بيّا،
شوف، هاو  يطلب فيا، توة هذه العاشر مرة يطلبني ملّي خرجت، ما ينجمش يقعد وحدو في الدار، يقلّي الدار بلاش بيا موحشة
تحكي مع راجلها: آلو، هاني امروحة مانيش باش نبطا ، الشربة متاع عشاك مرقتها حاضرة، ناقصة كان باش انسقّط فيها الشربة ،  هاني جاية
حزينة,: والله انحس روحي تعبت ، البدن والمخ تعبوا، ماك تعرف المشاكل الّي تعدّات على راسي معاه ، امنيتي نعيش وحدي حتا جمعة والا شهر ، هاو الضغط والسكر وركايبي عاملين فيا ، لا عدت نحمل لا المرج ولا المشاكل ولا الدهك متاع قضية الدار والكوجينا….
.
بيناتنا، والله   صحّة ليك ، نحسدك على راحة البال الّي انت فيها، بالسلام نمشي قبل ما ترصيلي الليلة في عركة للصباح، اذا ما خرجش للسهرية مع صحابو
What's Your Reaction?
Excited
0
Happy
0
In Love
0
Not Sure
0
Silly
0
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top