كيفاش تتحصل على بريكة ناجحة؟؟

درة الطرابلسي

عندي خالي ديما يقول البريكة غلة عامها, ما يصيرش رمضان ما غير بريك!!

هاذم بعض النصائح باش تتحصلو على بريكة بنييينة و على كيف كيفكم

: كان تحب بريكة عظمتها رايبة اهو شنوة يلزمكم تعملوا

(الزيت يلزمو يسخن بالباهي أما زادة موش فوق اللازم (يلزمكم تعرفو الي كي يسخن الزيت برشا و يبدا يعمل في البخار يولي مضر برشا بيد الشر

ما يلزمش تحطو بااارشا زيت باش تنجمو تتحكموا في القليان و باش البريكة ما تبداش منفخة بالزيت اوك فرد المرة الضمير يبدا مرتاح من ناحية المواد الدسمة

(…حضروا بريكتكم البر من الزيت و حطوها مبعد مسكرة و بحشوها (العظمة, التن , الكبار, بطاطا مسموطة مغفصة, معدنوس

(كي تحطوها في الزيت خليوها تتقلى على راحتخا من كل شيرة ما غير ما تصبو عليها الزيت السخون (تقولش عليكم تسقيو فيها

استقطروها بالباهي من الزيت و زيدو حطوها فوق ورق لامتصاص المواد الدهنية اي نعم باش هكة تا كلو بريكتكم بالصحة و العافية  و قال شنوة أقل مواد دهنية ههه

: و كان تحبو بريكة عظمتها طايبة

السر الكل انو تخليها تطيب على راحتها أما موش ننخليوها تتحرق زادة وما يلزمنا نقصو برشا على الزيت خاطر وقتها نتحصلو على زيت قليان بالبريكة موش بريكة بزيت القليان

إلي يلزم نعملوه هو إنا نسخنو الزيت و كي نجيو نحطو البريكة نقصو شوية على النار و نسقيوها و نتبعوها حتى لين تطيب من الشيرتين بالطبيعة ما ننساوش نوسعو بالنا باش تستقطر مليح و نحطها كي العادة على ورق لامتصاص الدهون

!صحة و بالشفاء