Now Reading
ملسوقتي السنا دياري اي نعم دياري

ملسوقتي السنا دياري اي نعم دياري

منية بن سبتي

قررت باش نجرب نعمل الملسوقة الدياري قبل ما يبدا رمضان
لقيت روسات و ما بقالي كان نجربها!
الحق الكعبة لولة كانت فاشلة لكن مبعد استصينت و عرفت السر و خرجت في اللخر بطزينة ملسوقة!

حاجتكم بالمواد هاذم :

-250 غرام فرينة
-40 دسل ماء
-3 مغارف كبار سميد أرطب
-و شوية ملح

1 تنجمو تخلطو المواد الكل بالخلاط كيما تنجمو تخلطوهم بالركاض اليدوي المهم في اللخر يلزم تتحصلو على خليط ما غير كعابر و متجانس

2 في الأثناء خليو المقلى تسخن

3 بعيد على النار و بفوشة غطيو المساحة المدورة الكل متاع المقلى أما ما تحطوش برشا باش تقد الورقة رقيقة و هاك علاش نستعملو الفوشة

4 رجعوا المقلى على النار و استناو حتى الورقة تتنحى وحدها على الأجناب وقتها كملو نحيوها بالشوية

See Also

 أنا ورقات الملسوقة عديت عليهم شوية زيت باش ما يلسقوش و غطيتهم بمنديل

ما نجمتش نستنى و جربت وريقات الملسوقة متاعي، عطاوني بريك بنين عللخر!!

شنوة السر؟؟ السر هو وقتلي تدهن في الخليط في المقلى، المقلى ما يلزموش يكون فوق النار!

صحة و عافية!

What's Your Reaction?
Excited
0
Happy
0
In Love
0
Not Sure
0
Silly
0
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top