إيناس الجنفاوي مماتي الله يرحمها كانت تعيط لل قرلو « كافر » نسبة ل « كافار » بالفغونسي تقلي « يااا بنيتي رد بالك منو هاك كافر » هههه هو و الله يا ممتي قلت الحق كافر و جاحد و نذل و حقير و وغد و الي تحب انت الكل هههه أنا و الكافار قصة طويلة من المعاناة و العذاب النفسي.. أنا و الكافار ما نتفاهموش جملة جملة على الأقل من شيرتي أنا متأكدة من مشاعر الكره و الاشمئزاز الي نشعر بيهم تجاهو اخخخخ مرة نتفكر و أنا حبلة قمت في عقاب الليل باش نمشي للتوالات (من بين الحاجات « الحلوة » متاع  جو الحبالة ليلة كاملة تعديها داخلة خارجة على التوالات) أنا كملت من هنا و هو جاني يجري من هنا تقول يستنى فيا.. هو بيناتنا سترني ربي خاطر الحق ما نعرفش كيفاش كنت نجم نشد روحي كان جاني قبل ما نفر بروحي كان في وسط البانو لتو نعصر في مخي باش نتفكر كيفاش نجمت نفحج مسافة…