فقدان العذرية بالفضايح

إلي يقرا الجملة إلي تعدات أقصى حاجة تجي في مخه البسيط هو إنوإلي يفقد عذريتو يفزعها و يحكي مثلا في الفايسبوك و إلا يخلي « السورية » على جنب (كيما مازل يصير في بعض البلايص في تونس للأسف و الواحد ما يقول كان ربي يهدي) و إلا أي حاجة أخرى أما الأكيد الأكيد مستحيل يجي في مخه العقار إلي يصيرفي سنغافورة هههه أيا أطلبو اللطف…

زيدو أطلب اللطف..
في السنغافورة العيلة بوعطوش تواكب الحدث لحظة بلحظة… لا لا موش البرا و إلا من بعيييد… لااا معاهم فرد بيت و يقعدو على حافة الفرش كي ما يلقاوش بلايص..

إي إي إلي قريتو صحيح و إلي فهمو مخك البسيط هو الصحيح…

قلك يا سيدي الطفل كي يجي يفقد عذريتو يستدعى أهله باش يخلدو معاه هالحدث العظيم و أفزع يلي ما سمعتش و يجي الأم و البو و الأخت و الخو و العم و العمة ههههه و إلي كتب من ربي و إلي ما عندوش إلتزامات أخرى منعتو يحظر.. مالة شنوة الراجل يدخل يحارب وحده هو يصير؟؟ يلزم ندخلو معاه نخوضو معاه المعركة و نوجهوه وقتلي ما ينجمش روحه !

!السؤال إلي يطرح نفسه هو كيفاش » ينجم » من أصله و حضبة معاه تتفرج؟؟

الحكاية خرجت وقتلي عم واحد سنغافوري خرج تصويرة في الفايسبوك فرحان بوليد خوه و هو في طمبكه عاد و أنا نقرا في الحكاية التحفة هاذي نتصور, يااااا لطيييف, في حمويا و حماتي و عم راجلي و خالته و راجل خالته معانا و يوجهه في رويجلي الفحل و عمه يشجع و يقلو :

حاسيله زفيت روحي بزوز كفوف باهيين و حمدت ربي ألف مرة إلي مانيش سنغافورية و خاصة إلي راجلي ماهوش سنغافوري و الحمد لله على نعمة

السترلا أكثر لا أقل