انا امو وفخورة بيه

‏هيفاء  كربول

. انا امو وهو ولدي

يا مسكين    –
علاش جاء يساسي فيك

مافقتش بيه وانت حبلة.   –
حتى وكان؟،؟؟

قداش عمرو هاذم علميا يموتوا بكري   –
بالك تموت انت قبل 

ياكل من فمو ؟؟؟   –
لا عايش بقصبة هواء

فمة دواء يبريه ؟؟؟؟    –
لا لا

فمة مكتب يقريه؟؟    –
لا ثم لا

كان جاء البرة راهو برى     –
يا ولادي راهو ولدي وكبدي مش نستنى فيكم باش تقولولي اش نعمل 
حتى البرة ما عندو حتى دواء .
ياقوم المعاق صغير والا كبير كلمة ‘مسكين’ تزيد عليه وعلى اماليه

ياناس ارحموا من في الارض يرحمكم من في السماء وكل عبد يتلهى في روحو يا كلمة حلوة ترجع الروح يا سكروا افامكم وتعداو
ولدي كيف الصغار الكل عايش حياتو كيما حب ربي
لا انا ولا بوه حارمينو من حاجة
اي نعم انا ام لاحسن ولد خلقو ربي ‘معاق’  ‫ ‬
انا امو وفخورة بيه