كيفاش تنحي الكرش تنقص الوزن بطريقة صحيّة

الهدف ما هوش تنقص في الميزان كهو، أما تضعاف بطريقة صحيّة وتدوم. في المقال هذا، بش نحكيو على أحسن ماكلة تنجم تعاونك تنقص من الكرش، وزادة شنوة يلزم تبعد عليه.

الماكلة اللي يلزم تركز عليها 

الخضرة والغلة: فيهم ألياف، فيتامينات ومعادن. ديما أبدا بالخضرة باش تتحكم في السكر في الدم. الخضرة كيف البروكلي، السبانخ، والفلفل يعطيوك إحساس بالشبع. الغلّة كيف التفاح، يعاونوك تشبع

البروتينات الخفيفة: اللحوم البيضاء كيف الدجاج، السمك يعطيو بروتين من غير دهون زايدة. وزادة البقوليات كيف العدس، الفول والحمص خيارات بهيّة

الحبوب الكاملة: كيف الأرز الأسمر والمقرونة الكاملة. هاذم يعطيوك طاقة ثابتة وما يطلّعوش السكر فجأة في الدم

الدهون الصحيّة: زيت الزيتونة، الأفوكادو، والمكسرات (لوز، جوز) فيهم دهون مزيانة تعاون تنقص من دهون الكرش

الماكلة اللي لازم تبعد عليها

السكر المضاف: العصائر المصبرة، الحلوّيات المصنّعة، والحلوة يساهموا في تخزين الدهون. لتجنّب الطلوع المفاجئ في السكر، ما تكلش السكر وحدو وخليه ديما مع وجبة. تذكّر: السكر الكل كيف كيف 

الدهون المضرة: المقلّي، والمخبوزات الصناعية فيهم دهون خايبة تعاون على تراكم دهون الكرش

المأكولات المصنّعة: الوجبات الجاهزة اللي فيهم ملح وسكر وبرشة إضافات. يعملو احتباس ماء وانتفاخ، ويخليوك تحس كرشك منفوخ

نصائح باش تنقص من الكرش

تعشّى خفيف: بالخصوص من غير نشويات (رز، بطاطا، خبز، مقرونة، حمص، عدس…). ركّز على الخضرة + بروتين خفيف (لحوم بيضاء، سمك، عظم…). هذا يعاونك ما يطلّعش السكر في الليل 

اشرب ماء: لازمك 1.5 حتى 2 لتر في النهار

كول بشوية: باش تشبع أسرع وتأكل أقل

نقص ملح: الزيادة في الملح تعمل احتباس ماء. استعمل أعشاب وتوابل

خوذ بروبيوتيك:  ياغرت طبيعي يعاون جهاز الهضم ويخلي الكرش أخف

الخلاصة 

كان تتبع النصائح هاذي، بش تكون في الطريق الصحيح بش تنقص الكرش وصحة أفضل

ابقى على اتصال وتابعنا على صفحاتنا

• Facebook : Binetna.tn
• Instagram : Binetna.tn
• YouTube : Binetna