اختراعات من الحياة اليومية… وراهم نساء

غسّالة الصحون العصرية

اخترعتها جوزفين كوكران (1886)

كانت تقهرت خاطر الصحون متاعها يتكسّرو.
قالت: علاش ما يكونش فما نظام يغسل المواعن بلا ما يكسّرهم؟
وهكّا تولدت فكرة غسّالة الصحون اللي نعرفوها اليوم.

السوتيان (حمالة الصدر) العصرية

اخترعتها ماري فيلبس جاكوب (1914)

بدّلت الكورسيه القاسي بلبسة أخفّ وأريح.اختراع غيّر حركة المرأة وراحتها… وحرّيتها.

فلتر القهوة الورقي

اخترعته ميليتا بنتز (1908)

فدت من التنوة متاع القهوة في الكاس. استعملت ورق نشّاف… وهكّا تولد الفلتر.
اليوم، ملايين القهاوي تتعمل بالطريقة هاذي كل نهار.

طاولة الحديد العصرية

اخترعتها سارة بون (1892)

حسّنت طاولة الحديد باش تسهّل كيّ ملابس النساء. اختراع بسيط… ما زال نستعملوه لليوم.

الزبلة بالبدّال

اخترعتها ليليان غيلبريث

هي الزبلة الي فيها فلسة ننزلو عليها بسقينا من غير ما نطبسو. اليوم تلقاها في كل كوجينة، سبيطار، ومكتب…أما قليل يعرف شكون اخترعها.

عصّارة الغسيل اليدوية

اخترعتها إلين إغلين

سهّلت غسل الحوايج برشة، أما في وقتها ما تلقّاتش حتى تقدير.

مسّاحات الكراهب essuie-glace

اخترعتها ماري أندرسون (1903)

شافت سواق يوقف كل شوية تحت المطر باش ينحّي الماء. قالت: علاش ما تكونش حركة بسيطة؟
اختراع اليوم أساسي في السلامة على الطريق.

نظام مراقبة الديار بالكاميرا

اخترعته ماري فان بريتان براون

واحد من أوّل أنظمة الحماية للمنازل. الأصل متاع السيستام اللي نعرفوه اليوم.

الثلاجة الكهربائية العصرية

اخترعتها فلورنس باربارت

طوّرت حفظ الماكلة بالبرد الكهربائي. ركيزة من ركائز الكوجينة الحديثة.

الحمالة الأمامية للرضّع porte-bébé

روّجتها آن مور

مستوحاة من طرق أفريقية. تخلّي الأم تشدّ صغيرها ويديها فاضين.
(ملاحظة بينتنا: الفكرة جاية أساسًا من أمهات أفريقيات)

قارب النجاة العصري

اخترعته ماريا بيزلي

اختراع حاسم للسلامة البحرية.

ماكينة عمل الغليس في الدار

اخترعتها بيولا هنري

خلّات الغليس حاجة تنجم تتعمل في الدار.

الممسحة اللي تعصر وحدها

روّجتها جوي مانغانو

تنظّف بلا ما تتحنّى، وبلا ما تمسّ الماء الوسخ.

الاختراعات هاذم الكل يورّيو حاجة وحدة: النساء ديما يبدّعوا، من الحياة اليومية، من التعب، ومن الحاجات “البسيطة”… وغالبًا، من غير اعتراف.