كي يحكي طفل على تحرّش ولا اعتداء جنسي، طريقة تصرّف الولي تنجّم تحميه… أو تكسّره أكثر. القانون التونسي واضح: الطفل محمي، وكلامه يتاخذ بجدّية. حسب القانون التونسي:الطفل لا يُطالَب بالإثبات.القانون هو الذي يتحرّك لحمايته. الطفل محمي بنصّ القانون، كلامه يُعتبر مؤشّراً قانونياً على وجود خطر، ويُلزم السلط بالتدخّل والتحقيق. 1. كيفاش نتصرفوا مع الطفل؟ نسمعوه بهدوء نصدّقوه نقولولو:« إنت ما عندك حتى ذنب » نطمّنوه:« أحسنت التصرف كي حكيت »  ما نهوّنش  ما نشكّكوش  ما نسكّتوش النص القانوني « تؤخذ مصلحة الطفل الفضلى بعين الاعتبار في جميع الإجراءات التي تهمّه. » مجلة حماية الطفل. 2. أوّل خطوة قانونية: مركز الشرطة حسب القانون: نمشيوا لمركز الشرطة وخاصة خلية العنف ضد المرأة والطفل القانون عدد 58 لسنة 2017 « لكل ضحية عنف الحق في التبليغ واللجوء إلى السلط المختصة. » مجلة حماية الطفل. شنوّة هي خلية العنف ضد المرأة والطفل؟ خلية العنف ضد المرأة والطفل هي وحدة متخصّصة موجودة داخل بعض مراكز الأمن…

كان عمري 8 سنين كي صارلي هذا في المدرسة. أستاذي. (سيدي)مدرسة ابتدائية في المرسى.(تحرّش) نتفكّر كل تفصيل.بعد 37 سنة. شنيا لابسة.شنيا قلت.المكان.الريحة. الصدمة تتسجّل في الذاكرة بدقّة ما تتنساش. في العمر هذاك، ما قلتش لأمي. سكتّ. لين بدى شعري يطيح. كي حكيت أخيراً على اللي صار، أصعب حاجة ما كانتش الفعل في حد ذاتو. الأصعب كان النظرات.الهمس.أولياء التلامذة اللي ما حبّوش يصدّقوا. مستحيل. حاج بيت ربي.“يخاف ربي”.“بنية مدلّلة”. وكأنّ سمعة شخص كبير تمحي كلام طفل. أما ما كنتش وحدي.عمل نفس الشي مع تلامذة آخرين. لكن الصمت، والخوف، وصورة “الإنسان المحترم” غالباً تحمي المعتدي أكثر من الضحية. الحمد لله، أمي صدّقتني. شدّت صحيح.وما رضختش للضغط وتشدّ. اليوم، كي نسمع أولياء يدافعوا على روضة، مدرسة ولا أستاذ مهما كان، الذكريات الكلّ ترجع. الصدمة ما تمشيش خاتر الناس تختار ما تشوفش. الطفل ما يخترعش الحاجات هاذي. الطفل ما يكذبش باش يجبد الانتباه في موضوع هو أصلاً ما يفهموش بالكامل. الطفل يحكي خاطر يتوجّع.…