عدي صلاعة في تونس: إكتشف الشمال التونسي

برشا فيكم يحبو يزوروا مناطق في تونس في الصلاعة و يتعرفوا على طبيعة و مناظر مزيانة. أحمد الفرشيشي يبرتاجي معاكم أحسن بلايص

مبعد ما حكيت على الجنوب، المرة هذي بش نحكي على البلايص ألي نعرفهم وإلا مجربهم في الشمال و كي العادة بش نعطيكم وين تباتو و أنشطة ألي تنجمو تعملوهم

زغوان

أكثر بلاصة عديت فيها أيامي في الطبيعة، تعلمت على يدين خونا محمد الطويري الإستغاور وإكتشفنا برشا بلايص مزيانة في جبال زغوان تنجمو تباتو بحذاه في دار دندن سيدي مديان في وسط القرية البربرية المهجورة و تعملو تيروليان و الحفر و تحويسة و برشة حاجات اخرين، كيما تسلق وإلا تهبطوا من قمة الجبال في واد القلب

صور أحمد الفرشيشي

الزريبة العليا

و مش بعيد على زغوان تنجمو تمشيو للزريبة في دار الزريبة

صور أحمد الفرشيشي

سيدي مشرق

خونا عماد عباسي، صيف وإلا شتاء يستقبل في المغرومين بالطبيعة في إكو رند سيدي مشرق يمارسو هواياتهم الغطس، تحويس في الطبيعة و غيرهم، يهزكم يعومكم بحدا حطام سفينة و يفسرلكم أنواع الحوت و الطحالب و الحيوانات المائية بالتفصيل، تنجمو تخرجو معه في مركب صيد، ويهزكم تحوسو في محمية جبل شيطان تشوفو بحيرة

طبرقة

بحذا رانيا و اسكندر في دار العين يخليوكم تستكشفو جمال طبرقة وعين دراهم من الطبيعة للأكلات المحلية، و من البحورات لجبال خمير و بش تتفرهدو وتتعلموا في نفس الوقت؛ تخييم، بسكلات، تحوسو في الغابات إلخ

صور أحمد الفرشيشي

فرنانة في جندوبة

المغرومين بالتخييم بش يشيخوا بحذا خونا حلمي في بوهرتمة أوتدورذ تعيشو أيمات في حضن الطبيعة بعاد على كل شي، بحذا سد بوهرتما، وين تنجموا تعملو كاياك و إلا صيد ترفيهي و غيرهم

الفايجة و عين سلطان

بحذا صديقنا سامي في مركز تخييم عين سلطان، تباتو في كوخ و إلا مخيم ومن غادي تنجموا تزورو محمية الفايجة و تشوفو الأيل الأطلسي

سليانة

بحذا صديقنا خليفة في دار خليفة في جبل السرج بين سليانة و الوسلاتية نجمو تزورو وحدة من أجمل المغارات ألي عندنا في تونس و هي عين ذهب.

في برقو وبالتحديد في مبيت عين بوسعدية في احضان الطبيعة تنجمو تزورو الجبال ألي كانوا يتخباو فيهم الفلاقة متاعنا

See Also

صور أحمد الفرشيشي

طبربة و البطان

تنجموا تعملوا فيها تحويسة و إلا تزورو أقدم معمل شاشية في تونس يرجع ل1626 و نادي الخيالة ألي كان معسكر في وقت البي وفي الحربين العالميتين الأولى و الثانية

المناطق الأثرية ألي تنجمو تزورهم

اشكل : حسب علمي مازال مغلق للزوار

دجبة : هي مش محمية أما منتزه فيه وحدة من أحسن الدورات ألي عملتهم

و أكثر حاجات تلقاوهم في الموقع متاعي

صور أحمد الفرشيشي

What's Your Reaction?
Excited
0
Happy
0
In Love
0
Not Sure
0
Silly
0
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top