أفكار باش تلهي الصغيرات في رمضان
في رمضان الصغيرات يروحوا بكري من الخدمة. من الساعتين متع القايلة يبداو في الدار ماعندهمش برشا دروس و عندهم برشا وقت فارغ. خممنا في أفكار بش نلهيو الصغار في رمضان، خاصةً و إنو الطقس ربيعي و الصغار يحبوا يشيخوا
كراس رمضان
تعلموا حاجات دينية للصغار كيف أركان الاسلام الخمس، الكعبة وين موجودة، إسم زوجة الرسول، يلونوا تصاور متع جامع ولا فانوس، يتعلموا مراحل الوضوء… تعلم صغيرك حاجات على الاسلام بطريقة ساهلة و يعملوا جو. تنجموا تهبطوا كراس رمضان من انترنات
مكتبة الكتاب عندها برشا كتيبات على الاسلام للصغار بش يتعلموا حاجات على الاسلام بطريقة ساهلة و مرحة
تطور القمر
كل نهار الصغير يلون شوية من القمر حتى يوفى شهر رمضان و حتى يجي العيد
كلندريى متع رمضان
الصغار لكل يبداو يستناو في نهارت العيد بش يلبس حوايج العيد. حضروا الجدول مع بعضكم وينجمو يلونوا الشكاكل إلي يرمزو لكل يوم. كل نهار في رمضان يتعدى نلونوه و نحيو الشكال
جوابات
تنجموا تحضروا جوابات و تخبيوهم و كل نهار الصغير عندو الحق يحل جواب يلقى فيه مفاجأة حلوة، نصيحة، لغز لين يخلطوا ليوم العيد يلقاو المهبة
ورشة في الكوجينة
الصغار يحبو يعاونوا فالكوجينة. ينجمو يقصوا السلاطة، يحطوا الطاولة، يعملوا الغاتو. منهم يتلهاو و منهم يعملوا جو
يلعبوا
رمضان السنه الطقس باهي و ربيعي. فرصة بش الصغار يلعبوا و يجريو و يتفرهدو. تنجموا تهزوهم لحديقة الحيوانات، تمشيو لمنتزه النحلي، الحديقة اليابانية
مقالات أخرى
