كيفاش تعمل جو مع صغارك في الربيع

الربيع طل علينا و هو أحسن فصل ينجمو يتفرهدو فيه الصغار و يلعبو في الهواء الطلق ماغير قلق. الطقس باهي، مش بارد و مش سخون برشا. فرصة مناسبة بش تعملوا جو مع الصغار في الربيع بأقل تكلفة

هاذم أفكار متع أنشطة تنجمو تعملوهم مع صغاركم في الربيع بش تعملو جو مزيان

حفل الربيع

وقت نقولو الربيع نخممو طول في النوار. كان عندك جنينة في الدار، ولا في الإقامة إلي تسكن فيها ولا كان فما حديقة عامة أو منتزه قريب، تنجم تخلق حفل الربيع

وقت نقولو حفلة، نقولو إلي احنا بش نستدعاو ناس اخرين. شوف 4 ولا 5 صحاب ولدك ولا بنتك (ماتكثرش على روحك بش تنجم تتلهي بيهم) و استدعاهم بش يشاركو في الحفلة (تنجمو تستدعاو الأمهات زادا. الصغار يلعبو و الكبار يتفرهدو زادا)

حضر حاجات بش ياكلوهم الصغار (بيتزا، ساندوتش، كراب، فقوس، سفنارية، بسباس، غلة…). تنجمو زادا تتقاسمو التحضيرات مع الأمهات الأخرين و كل واحد يجيب حاجة

ما تنساوش بش تاخذوا أهم حاجة و إلي هي الأزهار و المحابس إلي بش تزرع فيهم. ينجم كل ولي يشري لصغيرو اللازم. بعد، في الجنينة متع الدار ولا الإقامة أو في حديقة عامة ولا منتزه، يختارو لبلاصة إلي بش تزرعو فيها و تعمل ورشة مع الصغيرات توريهم كيفاش يعملو بش يزرعو النوار

و بش الصغار ما يقلقوش، حضرو أنشطة أخرى كيف البينياتا. هزو كرة و خليو الصغار يلعبوا شدة و غميضة و الألعاب إلي يحبوها

حفل الربيع يخلي الصغار يلعبو و يشيخو و يتمتعو بفصل الربيع و يعملو نشاط يعلمهم حب الطبيعة

البحث عن الكنز

لعبة البحث عن الكنز تغمر الصغار في المعامرة و التشويق. تنجم زادا تكون فرصة بش تعلمهم حاجة جديدة. تنجم تختار موضوع عيد الإستقلال، عيد الشهداء، الثورة…

كيف كيف، في جنينة الدار ولا الإقامة أو في حديقة عمومية ولا منتزه، تنجمو تلعبو لعبة البحث عن الكنز. تنجمو تلعبو مع صغارك وحدكم ولا تستدعى 3 ولا 4 صغار اخرين. ينجمو يلعبو لكل مع بعضهم ولا يتقسمو فريقين و يشوفو شكون بش يربح

حضر لمجة للصغار خاطر كيف بش يكملو اللعبة بش يلقاو رواحهم يحبو ياكلو. أعمل حاجات خفاف بيتزا، ساندوتش، كراب، غلة و خضرة. ما تنساوش الماء

See Also

الفكرة انك تخبي إشارات في بلايص مختلفة، تحضر خريطة بش يتبعوها الصغار و ترقم الإشارات. كل ما صغار يخلطو إلى رقم تعطيهم لغز بعلاقة مع الموضوع و كيف يطلعوه تعطيهم الإشارة

كيف يكملو يلمو الإشارات لكل يلقاو الكنز متاعهم

اللعبة هذي تخليهم يتفرهدو و يتمعو بالربيع و تكون فرصة بش يتعلمو حاجة جديدة و يتثقفو

مقالات أخرى

نصائح ساهلة باش نقصوا من الاستهلاك الزائد في الدار

What's Your Reaction?
Excited
0
Happy
0
In Love
0
Not Sure
0
Silly
0
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top