كيفاش تعمل بش الراجل يولي يشارك معاك في شؤون العائلة ؟

astuces en cuisine

جمعية اوكسفام عملت بحث ورا الي المراة التونسية تعدي بين 8 و 12 ساعة في النهار تعمل في اعمال رعاية غير مدفوعة الأجر معناها أعمال الدار و القضيا في الشارع و هزان الصغار للمكتب و تعاونهم في دروسهم و و و. خدمة بلاش فلوس. من الشيره الأخرى الراجل يعدي 45 دقيقة كهو و هو يعمل في الحاجات الي تابعين ملازم الدار. معناها المراة تعدي بين 30% و 50% من وقتها و هي تعمل في حاجات للعائلة

التنظيف، مسحان الغبرة، التسيق، التطييب، غسلان الحوايج، نشرانهم، طويانهم، تحديدهم، تخميلهم

فما القضية الكبيرة و فما القضية متع كل يوم هاو إشري خبز، ماء و اي حاجة ناقصة. شدان الصف بش تخلص الفاطورات، توصيل و المرواح من المكتب، هزان للدروس الخصوصية، عملان الدروس، تعشيهم، تدوشلهم، ترقدهم، تفيقهم الصباح، تلبسهم، تفطرهم، تحضرلهم اللمجة و الفطور

كان صغير يمرض تتلها بيه، الي عندها بيبي تقوم هي في الليل و تبديل الكوش، تهز للطبيب، تخمم في كل شي، شنوا بش يعملو في الصلاعة، تشري الحوايج، تقابل المعلمين، تتلها بالعيد الميلاد، و كان فما حيوان اليف تكمل تتلها بيه هي

بالنسبة للنساء الي في الريف يعديو اكثر وقت خاطر لازمهم يمشيو يجيبو الماء و يسرحوا بالماشية

هذا لكل يمثل عبئ جسدي أما أهم من هذا الي هو زادا يمثل عبئ ذهني كبير

فما شكون ينجم يسئل ملا هي شنوا بش تقعد تعمل المراة؟

الوقت الي تعديه المراة تعمل في اعمال رعاية الدار و القضيات الي تابعينها، تنجم تعمل فيه رياضة، ترتاح، تحوس مع صحابها، تتلها بروحها، تقرا كتاب، تتفرج في فيلم

اللهوه بالدار خدمة وحدها زيد معاها النساء الي تخدم و الي تهز و تجيب و تشري. ضغط كبير ميخليلهاش وقت و طاقة ليها هي

شنوا الحل؟

سألنا برشا نساء على مواقع التواصل الإجتماعي و لوجنا على انترنت بش خذينا شهادات متع نساء

خرجنا بمجموعة من النقاط المهمة

تحكي مع الرجل قبل العرس إلي هي حاجة مش يعملوا فيها-

تقسيم المهام متع الدار و الصغار و قضيات الشارع-

تحكي معاه بدون إنفعال و تطلب منو بش يقوم بحاجات-

تقولوا إلي إنت تعبت و تسألوا فاش ينجم يشارك بش يخفف عليك-

مالازمش تحكي معاه بإنفعال ولا تهدد إلي إنت معادش بش تعمل-

مالازمش تبدى دور وراه وتعلق و تنقد فالحاجات إلي عملهم-

انحو التخرنين ونشكروه على مجهودو-

لازم التقسيم متع المهام يكون واضح ومنظم و نلتزمو بيه-

لازم تتعلم تسيب و تقبل إلي مش كل شي لازم يكون مثالي-

ماتعملش لروحك أزمة نفسية خاطر مخلطش تعمل كل شي وأرضى بالموجود-

See Also
Jambes enflées, enceinte

شاركوا الصغار في المهام و خاصةً الأولاد خاطر كان فما نساء تعاني هاذاك نتيجة أمهاتهم إلي مسنسوهمش يعاونوا

بعض الشهادات

“نقلوا منعرفش نحدد سورية الله غالب يولي يا يحددها وحدو ولا يهزها للغسالة”

ميحبش يساهم في التطييب نولي نطيب لحاجة إلي انا نحبها حتى كان هو ميحبهاش و مايكلهش حتى يولي يشارك

“عندي 3 ولاد وراجلي وكمية الحوايج إلي نغسلها برشا وحد ميعاوني”

احنا زوز في دار وهو مايعمل شي وليت حاسبة روحي وحدي نطيب لروحي نغسل حوايجي و هو كان عينوا يولي يشارك

الراجل لازمو يشارك و المرأة لازمها تاخو موقف و لكن الدولة زادا مقصرة على خاطر مافماش رياض أطفال حكومية، مافماش حافلات دراسية، عطلة الأمومة قصيرة، مافماش عطلة للأب

الدولة عندها دور و شركات عندهم دور والمواطنين عندهم دور بش الوضعية تتبدل و نتعاونو بش المرأة متهزش الحمل وحدها

What's Your Reaction?
Excited
0
Happy
0
In Love
0
Not Sure
0
Silly
0
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top