خلال رمضان، المطبخ التونسي ديما في قلب الدار. بين شقان الفطر، وجبات العائلة والتعب من النهار، تحضير الماكلة يولي برشا مجهود و تعب.
الـ Batch Cooking التونسي، بوصفات أصيلة وعملية، ييعاونك تربح الوقت وفي نفس الوقت تحافظ على طعم تقاليدنا.
هنا، ما فماش وصفات معقدة و لاّ صعيبة: أساسيات تونسية بسيطة، تحضّرهم مسبقًا وتستعملهم على طول الجمعة.
سلاطة تونسية أساسية (من غير تفويح)
قاعدة ما تتفلتش
المكونات
- طماطم
- فقوس
- بصل
- فلفل
التحضير
- قصّو الخضرة مكعبات صغار.
- خلطوهم من غير تفويح.
- حطّوهم في الثلاجة في حكّة مسكرة.
عند التقديم
زيدو: ملح، زيت زيتون، عصرة قارص أو خل. الbase هذي تبقى صالحة 2-3 أيام.
شربة فريك تونسية تقليدية
شربة الرسميّة لشقّان الفطر.
المكونات
- شوربة فريك مغسولة
- بصل مفروم
- طماطم معجونة
- حمص منفّخ
- ملح، فلفل أكحل، فلفل زينة و كركم
- تابل وكروية
- كلافس
التحضير
- قلّي البصل في الزيت.
- زيد الطماطم، الحمص والتوابل.
- زيد الفريك و خلّي كل شي يتقلّى
- غطّي بالماء وخليها طيب.
نصيحة
حضّر الشربة لـ 2-3 أيام: تتخبى مليح وتولي ألذ مع الغد.
كفتاجي حاضر للقلي
طبق تونسي 100%، تحضيره مسبقًا يسهل عليك برشا.
المكونات
- بطاطا
- قرع أخضر
- قرع أحمر
- فلفل أخضر
- طماطم
التحضير
- قصّو الخضرة لمكعبات.
- شيّحها مليح وخليها في الثلاجة أو الفريڨو.
يوم القلي
قلّيهم في الزيت في النهار إلي تستحقهم كيما تنجم تحطهم في الفور مع شوية زيت لنتيجة صحية أكثر ( ولاّ في الأرفراير ). ، زيد العظم، البصل المفروم، رشّة معدنوس، الملح تابل و قدّمهو مع خبز.
بنادق تونسية (كعابر لحم مفروم)
المكونات
- لحم مفروم
- شوية بصل و ثوم مفرومين (إختياري)
- ملح، فلفل
- تابل وكراوية
التحضير
- اخلط كل شيء.
- شكّل كرات.
- قلّيهم شوية من غير ما يكتمل الطهي.
الاستعمال
في صوص الطماطم، شوربة حسو، مرقة فاصوليا أو مع المكرونة.
صوص طماطم تونسي مفوح
قاعدة لا غنى عنها.
المكونات
- طماطم مهروسة أو معلبة
- ثوم
- فلفل
- هريسة (حسب الذ)
- ملح
- زيت زيتون
التحضير
- قلّيهم الثوم والفلفل في الزيت.
- أضف الطماطم مخففة بالماء.
- أضف الهريسة والتوابل.
- خلي الماء يغلي وخليه يطيب حتى يعقاد.
فاش تنجّمو تستعملوها
- لوبية
- جلبانة
- خضر محشية
- مع حوت
خضر محشية تونسية
المكونات
- قرع أخضر، بطاطا، باذنجان، فلفل
- لحم مفروم
- معدنوس و بصل
- جبن مرحي
- عضمتين
التحضير
- فرغ الخضر.
- حضر الحشو و لمو بالعظم
- عبّي الخضرة.
- حطها خام في الثلاجة أو الفريزر.
تختوخ دجاج
المكونات
- صدور دجاج منزوعة العظم
- بصل مفروم
- سبانخ
- فطر (اختياري)
- ملعقة صغيرة كركم
- ملح، فلفل أكحل و تابل
- زيت
- كاس ماء
التحضير
- قلّي البصل في الزيت حتى يولي شفاف.
- زيد الدجاج وخليه يطيب في عقلو.
- فوّح بالكركم، ملح, تابل و فلفل أكحل.
- كل مرة زيدو شوّية ماء، غطّي وخليه يطيب باش يبقى الدجاج طرّي.
- فرّك الدجاج و خلطه مع السبانخ والفطر المذبّل.
نصيحة
باش الخلطة تولّي أبن، زيدو ريكوتا أو الجبن مرحي وقت التطيب (للطواجن، الكيش أو البركات).
حفظ واستعمال
خليه في الثلاجة 3 أيام أو في الفريڨو.
سلاطة مشوية (من غير تفويح)
أساس ما يتفلتش في رمضان، حضّرها مسبقًا من غير تفويح باش تبقى فرشكة.
المكونات
- طماطم
- فلفل حار
- بصل
- فلفل حلوّ (اختياري)
- ثوم
التحضير
- إشويهم على النار، في الفرن أو على مشوى.
- قشرهم وهم دافيين.
- قصّو أو اطحن في المفرمة، مهراس ، أو بالسكين حسب الرغبة.
- احفظها من غير ملح أو زيت في علبة مسكرة.
حفظ
تبقى صالحة في الثلاجة.
عند التقديم
ضيف الملح،تابل وزيت الزيتون، ويمكن التونة أو البيض المسلوق حسب الرغبة.
أساسيات لازم تحضر مسبقًا
- بصل مفروم
- ثوم مهرّس
- كلافس مفرومة
- خضرة مقصوصة
الخلاصة
الـ Batch Cooking التونسي في رمضان قائم على وصفات بسيطة، أصيلة وعائلية. بتحضير مسبق ، تخفف عنك عناء اليومي وتحافظ على روح المطبخ التونسي على طاولتك طول الشهر الكريم.
