كيفاش تخلق جو مزيان في دارك؟
الفكرة هي كفاه تعمل جو في دارك مع عائلتك و صغارك خاصةً إلي شهر ديسمبر بارد و تخرج أقل فما صلاعة جايا
كيفاش تعمل بش دارك تكون نقطة السعادة متاعك؟
أول حاجة مهمة بش انك تكون سعيد في حياتك هو قرار نفسي، لازمك إنت تكون قررت بش تكون سعيد
إنت تختار بش تشوف الكأس معبي ولا فارغ. من توا خوذ القرار بش تكون سعيد
تنجم تكون عامل جو على روحك و إنت قاعد في دار. مش مهم الدار كيفاه خاطر تنجم تكون عايش في قصر و إنت تعيس و تكون عايش في بيت و صالة و إنت شايخ
احنا التوانسة الجو متاعنا مغير ما نبداو في حكاية إحتفالات راس العام مش متاعنا. كل ما حاجة فيها جو و متعة نعملوها
أفرح بروحك الشهر هذا. أعمل كل ليلة طاولة مزيانة. بش تعمل طاولة مزيانة مافيها شي. زين بلي عندك. تنجم تلقى أفكار سهلا و بلاش فلوس بش تزين
وقت لعشاء ردوا وقت مهم البس، زين، خرج الماعون المزيان. أفرح بروحك
تنجم تزين شجرة ولا نبتة. مش مهم شنوا هي الشجرة. المهم نزينو دارنا و نخلقو جو باهي وحفالي في الدار. حتى شجرة زيتون ولا برتقال تكفي
عبي دارك بالنباتات الملونة بش كي تدخل لدارك تحس بالبهجة وتحس إلي دارك ربيع في الشتاء
تنجم تزين الشبابك و باب الدار بي شريطة متع ضوء مش غالية بش تحفلها
في اخر الجمعة تنجم طيب الحاجات إلي صغارك يحبوها و ينجمو هوما زادا يشاركوا
و أخر حاجة نجمو نقلوها: الحياة حلوى بس نفهمها
