أنواع النساء إلي موش متاع عرس

.

ربي يقوّي سعد كلّ واحد… أمّا كان بش تعرّسو فكّو عليكم من النساء هاذي

الي ما تعين ابرة في مخيط لما تكلم مما وتتا فيفي ونانا. امها وخالتها وأخواتها تشاورهم حتى على لون الي بش تفرشو والمريول الي بش يلبسو راجلها في عيد ميلاد تاتا فيفي

الي ديما تقارن روحها وتقارنك بصحابها المعرسين وجينيرالمون تكون حسودية برشة. هاذي عمرها لا تبرأ ولا تشبع ولا تفرح

إلّي كيف تخرجو، ديما تختار أغلى حاجة في الكارتة

– المرا الي ماعندهاش ثقة في روحها وتحس بالنقص. قد ما تعمل بش تحسسها الي هي تعجبك وماناقصها شي تقعد تتسبب عليك هاك تعاير فيا بظروف دارنا هاك تفيس عليا بشهايدك هاك حشمت بيا مع صحابك الخ

إلّي من أوّل نهار، ديما تخرنن و التخرنين على كلٍ شئ إلى تغزّل على امّك و خواتك مهما عملو و مهما قالو

إلّي تكره صوحابك الكلّ

الي ياسر ضاربتو في روحها. قد ما تعمللها تقلك يا حسرة على دار بابا. رغم الي تنجم تكون كانت كيفنا تواتي تاكل افيم محمصة وتفطر زميطة والا مقرونة كذابة وتبات هي وأخواتها بطاح ويعملو عكسة في شعرهم.. توصل لدار الراجل تولي كانت ملكة في بيت والدي والبانان والكيوي كانت تعملهم ماسك لقطوستهم وتفطر فوا ڨرا تتعشى كافيار

الي تحكيلك حكايات وأسرار صاحباتها الكل وتقلك بربي لا تقول عاد راهي وصاتني نحكيلكش. هاذي حتى اسرارك انت وحياتك الشخصية والحميمية وحتى الصحية تحكي عليهم لصحابها

إلّي بش يعرّسو بش ياخذو بخاطر أمّهم و بوهم… وما عينهاش في العرس

المغيارة برررشة الي كي راجلها يبرفن والا يسيرج صباطو تعملو فيلم واتبعو وديما كي البحاثة تبحث فيه وكل جام في فيسبوك تحل بروفيلو وتبدأ تتوسع لين توصل لبروفيل المفاتحي متع جارة خالة مرت عم المرا الي حطت جام

الي ديما غضبانة و يعني كان سهرية تفتق تفتق وغلطة لا هي تنجم تقلك هذا اخيب ريستورون في العالم خاطر ماعندهمش حوتة توزن بالضبط 350غ

إلّي مازالت تقرا في المعهد و عمرها في العشرين … هاذي كي بش توصل الثلاثين بش تفدّ و اتدور عليك (كان مرش قبل)

نصّ امنة و هناء