Now Reading
فيديو : نصائح كيفاش نخملو دار فيسع

فيديو : نصائح كيفاش نخملو دار فيسع

.

نصائح تسيّر بيهم حياتك و تربّحك وقت

خمّل فرشك دوب ما تقوم الصباح… و صغارك كيف كيف

حضّر حوايجك الي بش تلبسهم… و كيف كيف لولادك و صغارك. بش ما تلقاش روحك عندك رزمة حوايج مطيّشيين

ديما هزّو حاجة في يدّك… مثلا كي تبدأ ماشي الكونية هزّ الكأس في يدّك

ديما ابدا بأصعب حاجة ولاّ أكثر حاجة تكرهها

كي تنضّف ديما هزّ معاك سطل فيه الي تستحقّو الكلّ(شوليقة غبرة، الجافال،…) و حطّ معاك شكارة زبلة. ما تقعدش ماشية جاية.

تحت كلّ حوض حطّ حكّاكة و الي تنظّف بيه

الي ما تستعملوش و ما حاجتكش بيه في الدار طيّشو ولاّ أعطيه: الكأس الملقّش، و المريول المهلوك بالجفال (و الي تقول اتو تلبسو في الحوسة، و الركّاض الي عندو عام مكسّر،..)

الحوايج كي تغسلهم، انشرهم بالمعلاق و انفضهم مليح قبل بش يبداو مطلوقين و حديدهم ساهل

نحيو صبابطكم في عتبة الدار قبل ما تدخلو

كي تبداو اتطيبو، قشرو الخضرة في ماعون ولاّ في شكارة زبلة. بعد لا تقعدو تنظّفو لا تلمّو

See Also

الحوت ديما نظّفوه عند الحوّات قبل ما تروّحو بيه للدار

نظّفو بالبلاصة و علّمو صغاركم ينظّفو بالحاجة (مثلا تنظيف الشبابيك ولاّ تخميل اللعب)

ولادكم ملي عمرهم عامين ثلاثة يشاركو في التخميل و التنظيف. كيما مثلا يخملو حوايج النوم، يحطو الاصحنة في الحوض،… فما مقال كامل يحكي على شنو ينجمو يعملو الصغار بالعمر بالعم

ر تعمل ليستة فيها شنو بش تعمل و وقتاش… و كل واحد في الدار كيف كيف. مثلا نهار الثلاثاء فلان يهبط الزبلة، نهار الجمعة يخملو القجر، الصباح كل واحد يخمل فرشو،…

حطّ الموزيكة الي تشيخك كي انت تنظّف

بقيّة النصائح في الفيديو الّي في أعلى الصفحة

What's Your Reaction?
Excited
0
Happy
1
In Love
0
Not Sure
0
Silly
0
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top