Now Reading
كيفاش تداويو الإسهال

كيفاش تداويو الإسهال

أنا من طبعي مصارني ياسر حساسة من هوا تتهوى دوب ما ناكل حاجة البرا و إلا ماكلة مزيتة شوية كرشي تعمل فيا و توريهملي ألوان ألوان : وجايع، غرض ردان و خاصة جوف تجري حاشكم!!

و ما غير ما نقولولكم إلي الدخول و الخروج على التوالات موش حلو.. موش حلو بالكل و خاصة كي تبدا موش في دارك، عاد قلت وين بيها يلزمني نلقى حل و حل جذري زادة موش نص لباس و ما يكونش غالي ( على حساب كرشي يلزم حاجة رخيصة ماكنش فلوسي باش نصرفهم عليها) و لقيتو الحل.. الحل ليموناضة سخونة ايه نعم!

هاو كيفاش :

خوذ قارصة كبيرة و إلا زوز قارصات صغار

أعصرها

زيد للعصير زوز مغارف صغار عسل و إلا كان ما عندكمش شوية سكر

See Also

سخنو الخليط في الميكرو اوند يلزم يكون دافي موش يحرق

أشربو بالشفاء ( إي نقللكم على ما ياتي بالك تقعدو تغزرولو الكاس ههه)

المهم إنو في بضع ساعات كل شي يرجع لاباس ما عادش وجيعة ما عادش غرض ردان و خاصة ما عادش جريان جوف كلمة مني و على مسهوليتي

What's Your Reaction?
Excited
0
Happy
0
In Love
0
Not Sure
0
Silly
1
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top