Now Reading
كيفاش تتفرهد ب 10 آلاف – فيديو

كيفاش تتفرهد ب 10 آلاف – فيديو

.

الحياة حلوة بش نفهمها
اي مرا يلزمها ساعة ساعة توقّف كل شئ و تتلها بروحها، خاصّة أنها عندها برش ضغوطات، موش كيف الراجل.
الراجل ديما عندو قهوة، شيشة،… و موش ممروج كيف المرا

الفريب من الحاجات القليلة إلى فيها تنمية جهوية عادلة. فرزة في بآلة فريب بورخوص، تغطس في النصبة و تلقا القطعة الي تحب عليها… سعادة لا توصف.
في نابل مثلا الفريب بحذا المرشي، و بحذاه يبيعو كسكروت طابونة سخون بالسلطة المشوية.

See Also


حمّام عربي و قازوزة. تعمل حمام و حارزة تحكّلك و تمسيدة، و شويّ طفل و سواك. تنجم تعمل تعسيلة بعد الحمام و كان مازال عندك شوي فلوس تاكل صحيفة لبلابي ولا كسكروت. بالطبيعة كان عندك صاحبة تحفونة هزّها معاك.
فطور قمقوم في مطعم شعبي 
صحن حوت بسلاطتو و تسطيرتو بين 9و12دينار.في صفاقس مثلا بحذ البرط تنجم تعمل فطور قمقوم… وكل قدير و قدرو، تنجمو تقسمو صحيّن مع صاحبتك.


تبنيكة على البحر مع صاحباتك.. تهز معاك كعبات فريكاسي
غي تونس دورة في سيدي بوسعيد و كعبة بمبلوني
قليبية تمشي للبرج مع صديقات
في بنزرت تمشيو للبرط القديم، تاخذو فطيرة بالتمر و تبنّك تتفرج في الفلايك
في تونس تمشيو لقهوة البلفدير مع صحبات
تقعد وحدك في الدار و تعمل بانو سخون، موزيكا، و تقعد مع روحك
سهرية مع صديقات بالبيجامة، تعملو قطانية و تشوفو فيلم

What's Your Reaction?
Excited
1
Happy
1
In Love
1
Not Sure
0
Silly
0
View Comments (0)

Leave a Reply

Your email address will not be published.

© 2019 BINETNA. All Rights Reserved.

Scroll To Top